Unser Team
Ich bin ein Experte auf meinem Gebiet. Aber ohne mein Team wäre ich heute nicht da, wo ich bin. Ich liebe es, mit Gleichgesinnten zusammenzuarbeiten und mit meiner Leidenschaft und Kompetenz meine Ziele zu verwirklichen.
Clearing, wa isch da?
Wa bedütet “Clearing”? - Erlösig und Befreiig vo Seela und Fremdenergia. Mör bringid Liacht is Dunkle.
Das Thema erschint vielna Menscha als fremd und unheimlich. Einersits got's um Energiearbet, anderersits goz um d Seela vo Verstorbna Lüt oder Tier oder Wesa. Da sind zwei Themana wo d' Lüt sich nöd gern damit befassid, wells ena fascht a Bizali unheimlich ischt. Mosses aber nöd, scho da Albert Einstein hät vo da Energiearbet gredt, meh zu dem findid ör i mim Bitrag mit em Einstein-Bildli.
Vielleicht sieht da, wa mör erkennid, ganz andersch us als da, wa mör erwartet händ. Erlösig cha erscht denn gscheh, wenn mör d' Ursach vo üserna Blockada erkennt händ. Nöd nu d' Seelana nehmid mit üs Kontakt uf. Uf am glicha Wäg chönd negativi Gedanka, wo üs an andera Mensch zua cho lot, Schada arichta.
D' Veränderiga, wo vollzoga werid, sind wunderbar und einzigartig. Mit dera Arbet dienid mör em Nöchsta und üs selber. Es isch a verantwortigsvolli Arbet, treit vo Liabi und Liacht. Zudem chönd mör dia Erliachterig förmlich spüra und fühla.. für Mensch & Tier.. i ha die Usbildig töra macha und freu mi, über jeda, wo gern wött Balascht abwerfa..♥
.
Egal wie wohlhabend, reich, erfolgreich oder gutaussehend du sein magst, dein Umgang mit der Natur und den Tieren verrät mir alles, was ich über dich wissen muss.
Beobachta, beobachta, beobachta!
..beobachtid eueri Tier immer wieder ganz bewusst. Denn wüssed ör genau, wa isch normal bi euem Tier und wa nöd, also wa isch a Alarmsignal oder wo mönd ör gnauer ana luega oder ana luega lo.
Verhaltet sich's gsund? Verhaltet sich's komisch? Macht's öpis wo's sus nie macht?
För da muass mer au s' normale arttypische Verhalta sehr guat kenna vom Tier und au über da Charakter Bscheid wüssa.
Kei Zit für da - da giz nöd. Me tuat viel Sinnlosers und verlürt nüt, wemer 2x am Tag 10 Minuta investiert i da, im Gegateil, me cha viel "Umständ" vorbüga und villicht sogär verhindera.
Ein Tierfreund zu sein gehört zu den grössten seelischen Reichtümern des Lebens!
Es isch heiss! Nu för üs?
För weniger mobili Tiar wia Igel isch da a grosses Problem. Sie chönd nöd, wia a Schwalba, schnell a paar Kilometer bis zum nöchschta See flüga, zom go trinka. Drum sind sie uf üsari menschlich Hilf agwisa.
Jeda cha da Igel helfa!
Soforthilf cha jeda Gartabsitzer leischta – mit amana flacha Bluamaundertopf, liacht gfüllt mit Leitigswasser. Da isch a Wasserstell, wo au d' Eichörnli, Vögel und Fluginsekta z' schätza wüssid. Wer Vögel und Insekta helfa will, cha au uf am Balkon a Tränki ufstella.
ABER ACHTUNG:
D'Tränki moss eba und gwaggelfrei stoh, und me sött immer a kantaloses Holzstäbli oder Ästli drilegga wo öber da Rand us stoht, as d' Insekta au wieder usa chömad, falls ina keiid. Wemer a Igeltränki ufstellt, sött mer sie im Garta ida Nöchi vo da Gebüsch ufstella, will sich d' Igel dött da Liabscht versteckid. Sus chönd Katza und Co. ganz liacht abpassa und da isch nöd s' Ziel vo da Tränki. S' Becki täglich butza und fülla, so gits au ka Chrankheitserreger im Wasser. Am beschta macht mer gad 2 Tränkana und tuat immer 1 sicher 24 Stund a da Sunna tröchna lo.
Au d' Nahrigssuachi isch schwierig för d' Wildtier, wenns so warm ischt. D' Regawürm sind a Hoptnahrigsmittel för da Igel. Dia Verchrüchid sich bi Trochaheit i die tüfa Bodaschichta. Da sieht mer scho bi da Störch, dia findid i da tröchnera Gwässer fasch ka Frösch und Amphibia meh.
Danka, aser nöd weg luagid! ♥
Hitzefalle Auto!
Hunde gehören bei warmen Aussentemperaturen nicht in das Auto!
An warmen Tagen (nicht nur im Sommer) kann es in einem Auto innert kürze lebensgefährlich werden für einen Hund. Schon ab 20°C Grad Aussentemperatur kann es tödlich enden.
Ein Hund kann nur eingeschränkt schwitzen, um den Wärmehaushalt zu regulieren. Er hat im Vergleich zum Menschen nur wenige Schweissdrüsen an den Pfoten. Durch das Hecheln kann er sich vor Überhitzung schützen aber auch nur bis zu einer Umgebungstemperatur von ca. 30°C Grad.
Ein OFFENES FENSTER IST KEIN SCHUTZ VOR HITZESCHLAG, der Glashauseffekt wirkt trotzdem.
Also lieber den Hund zur Aktivität mitnehmen oder Zuhause lassen.
Homöopathie wirkt!
Man muss nicht daran glauben, bis sie wirken kann. Kleinen Kinder und Tieren, kann ich auch nicht zu erst das Glauben beibringen, es wirkt einfach.
Das ist der beste Beweis!
Bluategel, igitt oder doch wow?
Bluategel, sind sit Johrtusiga, die wertvolla chlina Helferli us da Natur, wo ganz ganz grosses vollbringid!
Leider grusets viel Menscha vor da Bluetegel, debi sind da so wunderbari Gschöpf, wo so viel chönd bewega. I bi selber au so en Kandidat gsi, wo nöd nu an Graus ka hät vor dene Tierli sondern au "Überläbesängst" zum so es Tierli a mer selber usprobiera.
Bis is gwogt ha und gmacht ha und sit do wött is nie meh missa!
Bluategel tüand sowohl da Lymphstrom arega, wia au da venöse Abfluss. So wird a sofortigi schmerzlinderndi Wirkig erzielt. Dä „chli Aderlass“ ermöglicht a sofortigi Entlastig bim Tier.
Bi wa helfid Bluategel? Zum Bispil bi Prelliga, Bluatergüss, Schwelliga ,Entzündiga, Arthrosa, Spat, Kissing Spines, Hufrollaproblem und Sehnenproblem, Hufreh, Druckstella, Euterentzündiga, Phlegmona.. und Vielem meh.
Bluategel sind hungrig. Sie werid uf da Hut vom Tier agsetzt und bissid sich dött fescht. Dött sugid d' Egel bis zum füffacha vo ene sim Körpergwicht a Bluat uf. Da sind denn öppa erstuhnlichi 30 Gramm. Da git denn a entstauendi, Fluss aregendi Wirkig. Bim Biss injiziered d' Bluetegel zuasätzlich ena sina Speichel, dä hät meh as 20 medizinisch wirksami Stoff dinna. Da bekanntischt Wirkstoff isch Hirudin, da isch bluetverdünnend, entzündigshemmend udn antibiotisch. Wie oba beschriba und sehr wichtig, drum erwähnis nomol, wirkt de Stoff au rasch schmerzlindernd.
Noch dem as da Egel ca. 30-120Minuta lang Bluat us sinera Y förmiga chlina Bisswunda gsoga hät, lot er sich eifach keia. Aschlüssend chas sicher ide nöchste 24 Stund zu Nochbluetiga cho. So wird d' Wunda greiniget und da Stoffwechsel im behandlata Gebiet agregt. Drum isches wichtig as mer die Nochbluetiga nöd stoppt.
Direkti Nebawirkiga vo da Bluetegeltherapie sind nöd bekannt. Da Biss selber isch öppa so schmerzhaft, wia an Insektastich oder wemer id Brennessla ini grifft.
Bi Tier wo a starchi Anämie (Bluatarmuat) händ oder a schlechts Immunsystem sött mer uf Behandlig mit Bluategel verzichta, do giz anderi alternativi Heilmethoda, i tua di gern berota.
Well sich Bluetegel vo Bluet ernährid, bestoht eigentlich d' Gfohr vonera Asteckig über s Bluet mit Erreger im Bluet voma vorheriga Wirt. DA PASSIERT ABER NÖD, will mör usschliesslich mit medizinischa extra züchteta Bluetegel, zum eimoliga Geburch, usem Labor schaffed, dass alles so suber wie möglich zue und her got.
"Wenn ein Chemiker die homöopathische Arznei untersucht, findet er nur Wasser und Alkohol; wenn er eine Diskette untersucht, nur Eisenoxid und Vinyl. Beide können jedoch jede Menge Informationen bergen!"
Dr. Peter Fisher, Forschungsleiter am Royal London Homeopathic Hospital
Beobachta, beobachta, beobachta!
..beobachtid eueri Tier immer wieder ganz bewusst. Denn wüssed ör genau, wa isch normal bi euem Tier und wa nöd, also wa isch a Alarmsignal oder wo mönd ör gnauer ana luega oder ana luega lo.
Verhaltet sich's gsund? Verhaltet sich's komisch? Macht's öpis wo's sus nie macht?
För da muass mer au s' normale arttypische Verhalta sehr guat kenna vom Tier und au über da Charakter Bscheid wüssa.
Kei Zit für da - da giz nöd. Me tuat viel Sinnlosers und verlürt nüt, wemer 2x am Tag 10 Minuta investiert i da, im Gegateil, me cha viel "Umständ" vorbüga und villicht sogär verhindera.
"Die Kunst der Naturheilkunde liegt darin den Menschen / das Tier als Individuum zu betrachten.
Körper, Geist & Seele"
Schüsslersalz, för wa brucht mer dia?
Da Dr. Schüssler hät vo 1821-1898 z' Dütschland glebt, als homöopathischa Arzt. Er hät viel Erfahrig mit komplexa homöopathischa Chrankheitsbilder gmacht und drum häter als Ergänzig zu sim Wüssensstand, a eigaständigi Therapieform entwicklet mit Hilf vo potenzierta, also homöopathisch zuabereitata Salz, da Verfahra vo der Therapie nennt sich Biochemie. D' Schüsslersalz sind nöd s' Gliche wie d' Homöopathie. D' Schüsslersalz basierid uf physiologisch-biochemischa Vorgäng im Körper vomara Lebewesa und d Homöopathie gründet ufem Ähnlichkeitsprinzip.
Da Dr. Schüssler isch überzoga, as alli Chrankheita öb physischer (körperlich) oder psychischer (geistiger) Natur, uf ungsunda Zella basierid. Da heisst, das Körper und Geist agwisa sind, uf Zuafuahr vo da richtiga anorganischa Stoff iwa zB. Schwefel, Phosphor, Natirum, Kalium, Magnesium, Eisen, Silizium, Chlor und Fluor), dasserleistigsfähig funktioniera cha. Jedes Lebewesa und jedi Pflanza brucht vo jedem Stoff a Minimum und wenn da Minimum nöd vorhanda isch, chas nöd dör an andra Stoff ersetzt werda.
Am Dr. Schüssler sini Forschiga hend ergeh, dass:
- alli gsundheitlicha Störiga, uf an Mangel a anorganischa Stoff zrugg z' füahra sind
- dör Zuafuahr vo da fehlenda Stoff, a Regeneration itritt
- d' Zuafüahrig vo dena Stoff i da gringscht möglicha Mengi erfolga söll, dass d' Funktion vo da gsunda Zella nöd gstört werd und aber di vorhandena Funktionsstöriga glich usglicha werid
- d' Stoff söllid so wiit verdünnt si, as über d Schlimhüt, zum Teil scho im Mul, direkt über s' Bluat gönd
D' Schüsslersalz helfid au als Hilfsstoff, as de nötig Stoff besser oder überhaupt vo de Zella ufgno werda cha. Vereifacht gseit, isch s' Schüsslersalz wia da passendi Schlüssel für dia Tör ida Körperzella, wo da fehlendi Stoff (zB. Phosphor) döri moss, aser öberhaupt cha ufgno werda vom Körper, ohni dä Schlüssel, chas si, as de Stoff mengmol ger nöd cha uf gno werda vom Körper. Es cha au sii, as an Tescht zeigt, as usreichen Minerallstoff vorhanda sind im Körper, denn chas trotzdem a Defizit geh, bima Mineralstoff, oder es cha sii, as da Stoff ger nöd ida Zella achunnt, wie oba beschrieba. Cha au si as Zellmembran, da heisst d' Hülla vonera Zella beschädigt isch und sie weg dem da Stoff nüma uf neh cha, aso wie oba beschrieba, wär denn zB. da Schlüssel verboga und Schüssler helfid denn, as Vermittler, as Zella wieder wüssid, as de Stoff ufneh dörid.
Da alles funktioniert bi de Schüssler nöd über Mengi, wie sus, wemer a Mineralstoffdefizit usglicht, sondern über Qualität.
Schweri Mineralstoffmangel chönd drum nöd ellai dur Schüsslersalz usglicha werda, sondern es brucht au no substanzielli Mineralstoffzuefuahr, aber trotzdem umbedingt in Kombination mit de Schüsslersalz, as guat ufgno werda cha.
Wia so oft bi da alternativa Heilmethoda ischas au bida Schüssler so, as d' Thesana vom Schüssler teilwis da allgemein gültiga wüssaschaftlicha Erkenntniss widersprechid. Nichtsdestotrotz bewisst da Erfolg vo da Schüsslersalz, dass die Thesa stimmid vo da alternativa Heilmethoda. Da endgültig Bewies i dera Hiisicht bringid dör mi ganz klar Tier. Sie simulierid nöd und chönnd au nöd dör positivs Denka uf Placebo reagiera. Wenn d' Schüsslersaz bi da Tier a Linderig vo da Beschwerda oder sogär a Heilig bewirkid, isch doch da Bewis gnuag, as da Isatz vo da Schüsslersalz richtig isch, au wenn die hütiga Wüssaschafta da Grund för da no nöd belegga chönid.
Gern helfi eu mit da Berotig, för Behandlig mit Schüsslersalz, bi eu oder bi euerna 4-Beiner. ♥
"Es sind die kleinen Reize, welche die enorme Kraft der Pflanzenmedizin ausmachen".
A. Vogel
Witeri Vorteil vo da Homöopathie
- Weniger Antibiotika- Resistenza
- Konstitutionelli Erchrankiga wia z. B. Skelettveränderiga werid früehzitig erkennt und behandlet
- Langfrischtig Wert da Gsundheitszuastand vom Tier nöd nu besser sondern au no stabiler
- Kösta werid gsparet, well Homöopathie wesentlich günstiger isch
- Homöopathie isch a guati Begleittherapie zur konventionella Medizin ana
- Dör möglichi, unabhängigi, erschti Selbschtintervention us homöopathischer Sicht, werid Chrankheita scho viel früehner behandlet, und so gits viel weniger Usfäll, dör da werid au Chösta gsparet
- Homöopathischi Mittel hend bi korrekter Awendig kei Nebawirkiga
- Me moss weniger Chemie isetza, da heisst, da isch sehr positiv för üseri Felder, üsers Grundwasser und üseri Nahrig, well sich da au uf Gülla und somit uf üseri Umwelt und uf üs uswirkt
- Es git näbst enorma Ispariga au no da Vorteil, as kei Rückständ i Milch und Fleisch bi Stalltier entstönd, und dör da au kei Wartezita mönd ighalta werda
- Da Buur oder au de Tierhalter allgemein wo homöopathisch schaffet oder "homöopathisch schaffa lot", entwickelt dör d' Ufmerksamkeit und Beobachtig, wa a klari Vorussetzig isch för a efolgrichi homöopathisch Behandlig, a sehr nöchs und verständisvolls Verhältnis zu sinem Tier und da wiederum wirkt sich uf Tiergsundheit, s Tierwohl und da ganz Bestand, die ganz Familia us
- Homöopathie cha au unabhängig vonera Diagnosa a gwendet werda, well da Patient selber behandlet werd, also d Ursach behandlet werd und nöd d Chranket, s' Symptom. Isch also nöd immer nötig da Nama vo da Chrankheit z'kenna, wa aber sehr wichtig isch sind d Sympom, d Verfassig, s Verhalta und da Verlauf vo de Chrankheit
"Man soll dem Leib etwas Gutes bieten, damit die Seele Lust hat, darin zu wohnen!"
Winston Churchill
..Bachblüata & wia's wirka chönd..
Essenza, als Understützig zur ganzheitlicha Heilig vo Körper, Geist und Seel
Bachblüeta sind wundervolli Helfer us da Natur, wo zur Heilig vo Körper Geist und Seel viel Guats biträgid. Da Dr. Edward Bach hät scho dozmol (hüt vor guat 80 Johra) gwüsst, as da Ursprung vo jedera Chrankat tüf verworzlat ida Seel lit. Da Dr. Edward Bach hät noch sinem Medizinstudium, sinem Homöopathiestudium, sinem Darmbakteria- und Immunologiestudium immer no nöd ufgäh und noch witera Hilfsmittel gsuacht, ida ganzheitlicha Heilig. Er isch denn uf ma langa Weg mit viel Erfahriga mit da Pflanza und Chrankheita, au a sich selber, uf 38 wertvolli Blüetaessenza us üsera Natur gstossa.
Di positiva Schwingiga vo da Blüeta harmonisierid negativi Seelazuaständ und da füahrt zu ganzheitlicha Heilig. I ha scho viel positivi Lebesveränderiga bi Menscha und Tier döra mit erleba und schätz au drum dia Bachblüataessenza sehr.
Bachblüeta sind sehr vielsitig isetzbar zum Bispil bi Ängst, Panik, Traumas, Trur, Depressiona, inneri Uruah, Selbstvertraua, Erschöpfiga, Rangornig- und Dominanzproblem, Motivation, Iversucht, Stress, Scheu und vielem meh.
Gern stelli der di passendi Bachblüetamischig, för dii oder diis Tier zämma, dörsch di gern melda via Nochricht, Email oder Whatsapp / Telefon, i freu mi, weni helfa dör. ♥
"Die Natur ist die beste Apotheke".
Sebastian Kneipp
Energiearbeit, wa isch da?
S' Wort Energiearbet stimmt viel Lüt skeptisch, drum wötti gern a paar Wort zu dem Thema säga.
Wia da Albert Einstein scho gseit hät: "Everything ist energy" ("Alles ist Energie")!
Energietherapie isch da Überbegriff för zahlrichi Therapiemethoda: Homöopahie, Osteopathie, Shiatsu, Geistigs Heila, usw. Jedes Wesa hät sin eigna Energiekörper, d' Aura, wo au us Schwingig bestoht. Dör s Energiefeld döri flüsst d' Lebesenergie, viel kennid sie underem Nama Qi (chinesisch), ussprecha tuat mers "Tschi". An harmonischa Fluss vo da Lebesenergie isch d' Grundlag vo da Gsundheit vo Körper, Seela und Geist. Dör innerlichi und üsserlichi Bedingiga, Situationa, Persona, Erfahriga und so witer, cha sich die Schwingig vom Wesa verändera. Denn chönd sich Blockada im Energiekörper bilda, die machid sich den körperlich oder seelisch bemerkbar. Eifach gseit, veränderid sich dia Schwingiga vom Positiva is Negativ.
D' Wirkig dör Energietherapie ufs Energiefeld, cha d' Schwingig wieder harmonisiera und usglicha. So werid d' Selbstheiligschräft vom Lebewesa, öb Mensch oder Tier, aktiviert und a ganzheitlichi Heilig dör statt finda.
Homöopathie hilft zu heilen!
Oft werde ich leider erst gerufen, wenn der Tierarzt keine Chance mehr gibt auf Heilung. Die Tierärzte versuchen noch jegliche Art von Behandlung und oft Mals scheitert es leider auch auf Grund von Resistenzen. Leider haben wir auch an vielen Orten ein Tierärztemangel, vor allem für spezielle Fälle oder Tierarten abhängige Probleme.
Mittlerweile sind Tierhalter und auch Bauern bereits offener in der Anwendung der Homöopathie bei ihren Vierbeinern, da eine nachhaltige und rückstandsfreie Tierhaltung immer mehr gefragt ist, Gott sei Dank!
Homöopathie wird mit Sicht in die Zukunft immer mehr Bestand haben und eine riesen Hilfe sein, auf dem Weg zur Heilung von Ihrem/Ihrer Körper, Geist und Seele oder dem/der Körper, Geist und Seele Ihres Vierbeiners. Ich verwende die Homöopathie sowohl in Akutfällen, als auch in chronischen Fällen und oft Mals eben, wie oben erwähnt, wenn die konventionelle Medizin keine Heilung mehr bewirken kann.
Auch ich kann und will keine Heilung versprechen aber warum nicht etwas Natürliches versuchen, was bei korrekter Anwendung nicht und niemals schadet? Ich arbeite mit Homöopathie bei Menschen jeden Alters und jeder Stufe und auch bei Tieren. Jede Art und Gattung von Tieren kann man mit Homöopathie unterstützen, sowohl Gross-, als auch Kleintiere, vogelartige Tiere, Nagetiere, Reptilien und Amphibien, Fische, Paarhufer und Unpaarhufer, wirklich jeden Erdenbewohner, sogar unsere wunderschöne Pflanzenwelt.
Die Anwendung von Homöopathie bei Stalltieren ist ebenfalls ein sehr essenzieller Beitrag zur Vermeidung von Antibiotikaresistenzen, auch diesen Punkt sollte man bei Zweifeln nicht ausser Acht lassen, denn auch das betrifft schlussendlich die Gesundheit unser aller, sei es betreffend unseres Wassers, unsere Natur oder unsere Nahrungsmittel und die eigene Körper-/ Seelen- und Geistesgesundheit.
Jeder Entscheid, zum Einsatz der Homöopathie geht zum Wohle von Mensch, Tier und der Umwelt.
